പുതിയ വാർത്തകൾ
മൻകി ബാത്തിൽ ജനങ്ങൾക്ക് നന്ദി അറിയിച്ച് പ്രധാനമന്ത്രി നരേന്ദ്ര മോദി
◾മൂന്നാം തവണയും പ്രധാനമന്ത്രിയായ ശേഷമുള്ള ആദ്യ മൻ കി ബാത്തിൽ ജനങ്ങളോട് നന്ദി പറഞ്ഞ് പ്രധാനമന്ത്രി നരേന്ദ്ര മോദി. മൻ കീ ബാത്തിന്‍റെ 111 മത് എപ്പിസോഡ് ആയിരുന്നു ഇന്ന്.
ട്വന്റി 20 ക്രിക്കറ്റ് ലോകകപ്പ് കിരീടം ഇന്ത്യക്ക്.
◾ ട്വന്റി 20 ക്രിക്കറ്റ് ലോകകപ്പ് കിരീടം ഇന്ത്യക്ക്. ഇന്നലെ ബാര്‍ബഡോസില്‍ നടന്ന ഫൈനലില്‍ ദക്ഷിണാഫ്രിക്കയെ 7 റണ്‍സിന് തോല്‍പിച്ചാണ് ഇന്ത്യ രണ്ടാം വട്ടം ട്വന്റി 20 ക്രിക്കറ്റ് ലോകകപ്പ് കിരീടത്തില്‍ മുത്തമിടുന്നത്.
◾ടി20 ലോകകപ്പിലെ മോശം ബാറ്റിങ് ഫോം മറികടന്ന് നിര്‍ണായക സമയത്ത് മികച്ച ഫോമിലേക്കുയര്‍ന്ന് 59 പന്തില്‍ 76 റണ്‍സെടുത്ത ഇന്ത്യന്‍ ബാറ്റിംഗ് ഇതിഹാസം വിരാട് കോലിയെ തന്നെയാണ് ഫൈനലിലെ താരമായി തിരഞ്ഞെടുത്തത്. തുടക്കത്തില്‍ ബാറ്റിങ് തകര്‍ച്ച നേരിട്ട ഇന്ത്യയെ കരകയറ്റിയത് കോലിയുടെ ഇന്നിങ്‌സായിരുന്നു. കിരീടം നേടിയതിനു പിന്നാലെ ടി20 ഫോര്‍മാറ്റില്‍ നിന്ന് വിരമിക്കുന്നതായി വിരാട് കോലി പ്രഖ്യാപിച്ചു. അതേസമയം 8 കളികളില്‍ നിന്ന് 15 വിക്കറ്റെടുത്ത് ഇന്ത്യയെ ലോകകപ്പ് കിരീടം നേടുന്നതിന് മികച്ച പങ്ക് വഹിച്ച ജസ്പ്രീത് ബുംറയാണ് ടൂര്‍ണമെന്റിന്റെ താരം.
അന്താരാഷ്ട്ര ട്വന്റി 20
ക്രിക്കറ്റിൽ നിന്ന് വിരമിക്കല്‍ പ്രഖ്യാപിച്ച് രോഹിത് ശര്‍മയും.
◾ വിരാട് കോലിക്കു തൊട്ടു പിന്നാലെ അന്താരാഷ്ട്ര ടി20-യില്‍നിന്ന് വിരമിക്കല്‍ പ്രഖ്യാപിച്ച് രോഹിത് ശര്‍മയും. ബാര്‍ബഡോസില്‍ നടന്ന ആവേശകരമായ ഫൈനലില്‍ ദക്ഷിണാഫ്രിക്കയെ തോല്‍പ്പിച്ച് കിരീടം ചൂടിയതിനു പിന്നാലെയാണ് രണ്ട് സീനിയര്‍ താരങ്ങളുടെയും വിരമിക്കല്‍ പ്രഖ്യാപനം. മത്സര വിജയശേഷം നടത്തിയ വാര്‍ത്താ സമ്മേളനത്തിലാണ് രോഹിത്തിന്റെ പ്രഖ്യാപനം.
പ്രധാനമന്ത്രി നരേന്ദ്ര മോദിയും പ്രതിപക്ഷ നേതാവ് രാഹുല്‍ ഗാന്ധിയും ഇന്ത്യൻ ക്രിക്കറ്റ് ടീമിനെ അഭിനന്ദിച്ചു.
◾ ടി 20 ലോകകപ്പ് കിരീടം നേടിയ ഇന്ത്യന്‍ ക്രിക്കറ്റ് ടീമിനെ അഭിനന്ദിച്ച് പ്രധാനമന്ത്രി നരേന്ദ്ര മോദിയും പ്രതിപക്ഷ നേതാവ് രാഹുല്‍ ഗാന്ധിയും. ഇന്ത്യക്കാകെ അഭിമാനമാണെന്നും ഓരോ ഇന്ത്യാക്കാരനും ഈ നേട്ടത്തില്‍ അഭിമാനിക്കുന്നുവെന്നുമാണ് പ്രധാനമന്ത്രി വീഡിയോ സന്ദേശത്തിലൂടെ പറഞ്ഞത്. ടൂര്‍ണമെന്റിലുടനീളം ഗംഭീരമായ പ്രകടനം നടത്തിയടീം ഇന്ത്യയ്ക്ക് അഭിനന്ദനങ്ങളെന്നാണ് രാഹുല്‍ എക്സ് പ്ലാറ്റ്ഫോമില്‍ കുറിച്ചത്. ഇന്ത്യയുടെ വിജയമുറപ്പിച്ച സൂര്യകുമാര്‍ യാദവിന്റെ അവസാന ഓവറിലെ അത്ഭുത ക്യാച്ചിനെയും രോഹിത് ശര്‍മയുടെ നായക മികവിനെയും രാഹുല്‍ ദ്രാവിഡിന്റെ പരിശീലക മികവിനെയും രാഹുല്‍ ഗാന്ധി പ്രത്യേകം അഭിനന്ദിച്ചു.
സിപിഎം കേന്ദ്രകമ്മിറ്റിയില്‍ പിണറായി സര്‍ക്കാരിനെതിരെ വിമര്‍ശനമെന്ന് റിപ്പോര്‍ട്ടുകള്‍.
◾ സിപിഎം കേന്ദ്രകമ്മിറ്റിയില്‍ പിണറായി സര്‍ക്കാരിനെതിരെ വിമര്‍ശനമെന്ന് റിപ്പോര്‍ട്ടുകള്‍. കടുത്ത ഭരണ വിരുദ്ധ വികാരം കേരളത്തില്‍ തിരിച്ചടിക്ക് കാരണമായെന്നാണ് വിലയിരുത്തല്‍. ആഴത്തിലുള്ള പരിശോധന നടത്തി തെറ്റു തിരുത്തണമെന്നും ഇല്ലെങ്കില്‍ വലിയ പ്രത്യാഘാതം നേരിടേണ്ടിവരുമെന്നും ചര്‍ച്ചയില്‍ നേതാക്കള്‍ ചൂണ്ടിക്കാട്ടി. ജനവിശ്വാസം തിരിച്ചു പിടിക്കാനുള്ള ശക്തമായ നപടികള്‍ ഉണ്ടാകുമെന്ന് സിപിഎം കേന്ദ്ര കമ്മറ്റി വ്യക്തമാക്കി. പാര്‍ട്ടിയില്‍ നിന്ന് അകന്നുപോയവരെ തിരികെ കൊണ്ടുവരാന്‍ നടപടിയുണ്ടാകുമെന്നും ഇതിനായി മാര്‍ഗരേഖ തയാറാക്കുമെന്നും നേതാക്കള്‍ പറഞ്ഞു. കേന്ദ്ര കമ്മറ്റി യോഗം ഇന്ന് അവസാനിക്കും.
.jpg)
◾ സിപിഎം മുന്‍ ജില്ലാ കമ്മിറ്റി അംഗം മനു തോമസ് തനിക്കും മകനുമെതിരെ നടത്തിയ ആരോപണം സിപിഎം കണ്ണൂര്‍ ജില്ലാ സെക്രട്ടറിയേറ്റ് ചര്‍ച്ച ചെയ്തതിന് പിന്നാലെ പ്രതികരിച്ച് പി ജയരാജന്. മാധ്യമങ്ങളുടെ ചോദ്യത്തിന് ‘മൗനം വിദ്വാനു ഭൂഷണം’ എന്ന് മറുപടി നല്‍കി. ആരോപണം മാധ്യമങ്ങള്‍ക്ക് ഗുരുതരം ആയിരിക്കുമെന്നും, മറ്റൊന്നും പറയാനില്ലെന്നും ജയരാജന് വ്യക്തമാക്കി.
◾ കണ്ണൂരില്‍ നിന്ന് വരുന്ന വാര്‍ത്തകള്‍ ചെങ്കൊടിക്ക് അപമാനമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം.
◾ പരിയാരം മെഡിക്കല്‍ കോളേജ് യൂണിയന്‍ പിടിച്ചെടുത്ത് കെ.എസ്.യു – എം.എസ്.എഫ് സഖ്യം. തിരഞ്ഞെടുപ്പ് നടന്ന 12 സീറ്റിലും കെ.എസ്.യു-എം.എസ്.എഫ് സഖ്യം വിജയിച്ചു. 3 സീറ്റുകളില്‍ എതിരില്ലാതെ എസ്എഫ്ഐ തിരഞ്ഞെടുക്കപ്പെട്ടു.ഈ വര്‍ഷമാണ് കെ.എസ്.യുവും എംഎസ്എഫും ആദ്യമായി ഇവിടെ യൂണിറ്റ് രൂപവത്കരിച്ചത്.
◾ കരുവന്നൂര്‍ കേസില്‍ ഇഡി എടുത്ത നടപടിയെ ന്യായീകരിച്ച് ഗവര്‍ണര്‍ ആരിഫ് മുഹമ്മദ് ഖാന്‍. കേസെടുക്കുന്നത് ഭരിക്കുന്ന പാര്‍ട്ടിയാണോയെന്ന് നോക്കിയിട്ടല്ല.
കോൺഗ്രസിൽ നിന്ന് പുറത്താക്കി.
◾തിരുവല്ല നഗരസഭ ഉപാധ്യക്ഷ തിരഞ്ഞെടുപ്പിൽ ഡിസിസി പ്രസിഡന്റ് നൽകിയ വിപ് ലംഘിച്ച് വോട്ട് ചെയ്ത നഗരസഭ മുൻ അധ്യക്ഷ ബിന്ദു ജയകുമാർ, കടപ്ര പഞ്ചായത്ത് വൈസ് പ്രസിഡന്റ് തിരഞ്ഞെടുപ്പിൽ വിപ് ലംഘിച്ച പഞ്ചായത്ത് അംഗം മേഴ്സി ഏബ്രഹാം എന്നിവരെ കോൺഗ്രസ് പാർട്ടിയിൽ നിന്ന്
അന്വേഷണ വിധേയമായി സസ്പെൻഡ് ചെയ്‌തതായി ഡി സിസി പ്രസിഡന്റ് സതീഷ് കൊ ച്ചുപറമ്പിൽ അറിയിച്ചു. രണ്ട് ആഴ്ച മുൻപ് നടന്ന നഗര സഭാ ഉപാധ്യക്ഷ തിരഞ്ഞെടു പ്പിൽ ബിന്ദു ജയകുമാറിന്റെ വോട്ട് അസാധുവായിരുന്നു. കടപ്ര പഞ്ചായത്ത് വൈസ് പ്രസിഡന്റ് തിരഞ്ഞെടുപ്പിൽ മേഴ്സി ഏബ്രഹാം വോട്ടെടുപ്പിൽ നിന്ന് വിട്ടു നിന്നതിനെ തുടർന്നാണ് നടപടി.
◾ തദ്ദേശതെരഞ്ഞെടുപ്പിന് മുന്നോടിയായുള്ള വാര്‍ഡ് പുനക്രമീകരണം ജനവിധി അട്ടിമറിക്കാനെന്ന് ബിജെപി സംസ്ഥാന അദ്ധ്യക്ഷന്‍ കെ സുരേന്ദ്രന്‍.
◾ കേരളത്തില്‍ കാലവര്‍ഷം ദുര്‍ബലമായി. ബംഗാള്‍ ഉള്‍ക്കടലില്‍ ന്യൂനമര്‍ദ്ദം ദുര്‍ബലമായതോടെ കേരളത്തില്‍ മഴ കുറഞ്ഞു.
വൈദ്യുതി ബിൽ അക്ഷയ കേന്ദ്രം വഴി അടയ്ക്കാൻ കഴിയില്ല.
◾ കെഎസ്ഇബി വൈദ്യുതി ബില്‍ തുക അക്ഷയ കേന്ദ്രം, ഫ്രണ്ട്സ് എന്നിവിടങ്ങള്‍ വഴി സ്വീകരിക്കുന്നത് നിര്‍ത്തലാക്കി. അടയ്ക്കുന്ന തുക കെ എസ് ഇ ബി അക്കൗണ്ടിലേക്ക് യഥാസമയം ലഭ്യമാകാത്ത സാഹചര്യത്തിലാണ് ഈ തീരുമാനം. ഉപഭോക്താക്കള്‍ക്ക് വന്ന ബുദ്ധിമുട്ടുകളും അതു സംബന്ധിച്ച പരാതികളും കണക്കിലെടുത്തതാണ് ഈ നടപടി. ഉപഭോക്താക്കളുടെ സഹകരണം കെ എസ് ഇ ബി അഭ്യര്‍ത്ഥിച്ചു.
◾ സി.പി.എം വിട്ട മനു തോമസ് യൂത്ത് കോണ്‍ഗ്രസിലേക്ക് വന്നാല്‍ എല്ലാവിധ സംരക്ഷണവും നല്‍കുമെന്ന് യൂത്ത് കോണ്‍ഗ്രസ് പ്രസിഡണ്ട് രാഹുല്‍ മാങ്കൂട്ടത്തില്‍. പാര്‍ട്ടിക്കെതിരെ സംസാരിച്ചതിന്റെ പേരില്‍ ആരും കൊല്ലപ്പെടരുതെന്നും അദ്ദേഹം പറഞ്ഞു.
അമ്മയെ കൊലപ്പെടുത്തിയ പ്രതി പരോളിലിറങ്ങിയപ്പോള്‍ സഹോദരനെ ഉലക്കയ്ക്ക് അടിച്ചുകൊന്നു.
◾ അമ്മയെ കൊലപ്പെടുത്തിയ പ്രതി പരോളിലിറങ്ങിയപ്പോള്‍ സഹോദരനെ ഉലക്കയ്ക്ക് അടിച്ചുകൊന്നു. അടൂര്‍ പന്നിവിഴ കോട്ടപ്പുറം മറ്റത്തില്‍ പുത്തന്‍വീട്ടില്‍ സതീഷ് കുമാറിനെ (61)യാണ് മൂത്ത സഹോദരന്‍ മോഹനന്‍ ഉണ്ണിത്താന്‍ (68) കൊലപ്പെടുത്തിയത്. മാതാവിനെ കൊലപ്പെടുത്തിയ കേസില്‍ ശിക്ഷിക്കപ്പെട്ട് 17 വര്‍ഷമായി തിരുവനന്തപുരത്തെ ജയിലില്‍ കഴിയുകയായിരുന്നു മോഹനന്‍ ഉണ്ണിത്താന്‍.
◾ തന്നെ മുഖ്യമന്ത്രിയാക്കണമെന്ന് പാര്‍ട്ടിക്കുള്ളില്‍നിന്നും പുറത്തുനിന്നും ഉയരുന്ന ആവശ്യങ്ങളില്‍ തനിക്ക് ആരുടെയും ശുപാര്‍ശ ആവശ്യമില്ലെന്നും തന്റെ പ്രവര്‍ത്തനങ്ങളുടെ അടിസ്ഥാനത്തില്‍ ഹൈക്കമാന്‍ഡ് തീരുമാനം കൈക്കൊള്ളുമെന്നും കര്‍ണാടക ഉപമുഖ്യമന്ത്രി ഡി.കെ. ശിവകുമാര്‍. ഉപമുഖ്യമന്ത്രിമാരേക്കുറിച്ച് ഒരു ചര്‍ച്ചയുമില്ലെന്നും മുഖ്യമന്ത്രി സ്ഥാനത്തേക്കുറിച്ചും യാതൊരു ചോദ്യങ്ങളുമില്ലെന്നും ഡി.കെ. ശിവകുമാര്‍ പറഞ്ഞു.
◾ കനത്ത മഴയെ തുടര്‍ന്നുണ്ടായ വെള്ളക്കെട്ടില്‍ ഡല്‍ഹിയില്‍ മൂന്നുപേര്‍ മുങ്ങിമരിച്ചു. വടക്കന്‍ ഡല്‍ഹിയിലെ എസ്.പി. ബദലി പ്രദേശത്തെ അണ്ടര്‍പാസിലാണ് ശനിയാഴ്ച ഉച്ചതിരിഞ്ഞ് രണ്ട് ആണ്‍കുട്ടികള്‍ മുങ്ങിമരിച്ചത്. തെക്കുകിഴക്കന്‍ ഡല്‍ഹിയിലെ ഓഖ്‌ലയിലെ അണ്ടര്‍പാസിലെ വെള്ളക്കെട്ടില്‍ മറ്റൊരാളും മുങ്ങിമരിച്ചു.
പ്രായപൂർത്തിയാകാത്ത മകളെ പീഡിപ്പിച്ച കേസിൽ മാന്നാർ സ്വദേശിക്ക് 98 വർഷം കഠിന തടവ്
◾പ്രായപൂർത്തിയാകാത്ത മകളെ പീഡിപ്പിച്ച കേസിൽ 50 വയസുള്ള പിതാവിന് 98 വർഷം കഠിനതടവ് വിധിച്ച് പോക്സോ അതിവേഗ കോടതി ജഡ്‌ജി, ഡോണി തോമസ് വർഗീസ്. പോക്സോ ആക്‌ടിലെയും ഐപിസി യിലെയും വിവിധ വകുപ്പുകൾ പ്രകാരം 98 വർഷം കഠിന തടവും 5.25 ലക്ഷം പിഴയും പിഴ ഒടുക്കാത്ത പക്ഷം അഞ്ചു വർം അധിക കഠിന തടവുമാണ് ശിക്ഷ.
മകളെ 11-ാം വയസ് മുതൽ ബ്ലൂഫിലിം കാണിച്ച് ലൈംഗികമായി പീഡിപ്പിച്ച കേസിൽ മാന്നാർ സ്വദേശിയാണ് പ്രതി. 2019 മുതൽ 22 വരെ വിവിധ സമയങ്ങളിലായിരുന്നു ലൈംഗികപരമായി ദുരുപയോഗം ചെയ്തത്. ആരോടെങ്കിലും പറഞ്ഞാൽ കുട്ടിയും അഴിക്കുള്ളിലാകുമെന്നു പറഞ്ഞ് ഭയപ്പെടുത്തിയുമാണ് ലൈംഗിക വൈകൃതങ്ങൾ ഉൾപ്പെടെയുള്ള പീഢനങ്ങൾക്കിരയാക്കിയത്. ചെയ്തിരുന്നു.
സ്വന്തം വീട്ടിൽ മാതാവും മറ്റാരും ഇല്ലാത്ത സമയങ്ങളിലാണ് ലൈംഗികാതിക്രമം നടന്നത്. 2022 ലെ ഒരു ദിവസം അയൽവാസിയായ വീട്ടമ്മ സംഭവം നേരിട്ട് കണ്ട് മാതാവിനെ വിവരം അറിയിച്ചു. പ്രതി തന്റെ ആദ്യ വിവാഹം മറച്ചു വച്ചാണ് അതീജിവതയുടെ മാതാവിനെ വിവാഹം കഴിച്ചത്. ആദ്യ വിവാഹത്തിൽ പ്രതിക്ക് മൂന്നു കുട്ടികൾ ഉണ്ട്. രണ്ടാം വിവാഹത്തിലെ രണ്ടു കുട്ടികളിൽ മൂത്തയാളാണ് പീഡനത്തിനിരയായത്. കേസ് രജിസ്റ്റർ ചെയ്ത സമയത്ത് പെൺകുട്ടി എല്ലാ വിവരങ്ങളും പറയാൻ തയാറായിരുന്നില്ല. കൗൺസിലിങ്ങിലൂടെയും മെഡിക്കൽ പരിശോധനയിലൂടെയും ഗൗരവതര ലൈംഗിക പീഡനം വെളിവായി. പെൺകുട്ടിക്ക് തുടർ കൗൺസിലിംഗ് നൽകുകയും ലൈംഗികാതിക്രമ വിവരങ്ങൾ പോലീസ് മുമ്പാകെ പൂർണ്ണമായി വെളിപ്പെടുത്തുകയായിരുന്നു. പിതാവിന്റെ പീഡനത്തിൽ മനംനൊന്ത് പെൺകുട്ടി ആത്മഹത്യ ശ്രമം വരെ നടത്തിയിരുന്നു. പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ അഡ്വ. ജയ്‌സൺ മാത്യൂസ് ഹാജരായ കേസ് രജിസ്റ്റർ ചെയ്ത് അന്വേഷണം നടത്തിയത് റാന്നി പോലീസ് സബ് ഇൻസ്പെക്ടറായ സായ് സേനനും പോലീസ് ഇൻസ്പെക്‌ടർ ആയ എം.ആർ സുരേഷും ചേർന്നാണ്. പിഴ ശിക്ഷ വിധിച്ച തുക പ്രതിയിൽ നിന്നും പെൺകുട്ടിക്ക് ഈടാക്കി നൽകണമെന്നും വിധിയിൽ പറയുന്നു.
◾ ഡല്‍ഹി വിമാനത്താവളത്തിനു പിന്നാലെ ഗുജറാത്ത് വിമാനത്താവളത്തിലും മേല്‍ക്കൂര തകര്‍ന്നുവീണ് അപകടം. രാജ്കോട്ട് വിമാനത്താവളത്തിലാണ് മേല്‍ക്കൂര തകര്‍ന്നുവീണത്. മേല്‍കൂരയുടെ മുകളില്‍ കെട്ടിക്കിടന്ന വെള്ളം പുറത്തേക്ക് വിടാന്‍ ശ്രമിക്കുന്നതിനിടെ ഉണ്ടായ അപകടത്തില്‍ ആര്‍ക്കും പരുക്കില്ലെന്നാണ് വിവരം. സംഭവത്തില്‍ സിവില്‍ എവിയേഷന്‍ മന്ത്രാലയം വിശദീകരണം ആവശ്യപ്പെട്ടു. വിമാനത്താവളത്തിന്റെ പരിസരത്ത് കനത്ത മഴയാണ് അനുഭവപ്പെട്ടിരുന്നത്.
കേജ്രിവാള്‍ വീണ്ടും തിഹാര്‍ ജയിലിലേക്ക്.
◾ ഡല്‍ഹി മുഖ്യമന്ത്രി അരവിന്ദ് കേജ്രിവാള്‍ വീണ്ടും തിഹാര്‍ ജയിലിലേക്ക്.
◾ ജഡ്ജിമാരുടെ ചുമതല പൊതുതാല്‍പര്യം നിറവേറ്റലായതിനാല്‍ അവരെ ദൈവങ്ങളോട് സമീകരിക്കുന്ന പ്രവണത ശരിയല്ലെന്ന് സുപ്രീം കോടതി ചീഫ് ജസ്റ്റിസ് ഡി.വൈ. ചന്ദ്രചൂഡ്. അവര്‍ ദൈവങ്ങളല്ലെന്നും അനുകമ്പയോടെയും സഹാനുഭൂതിയോടെയും നീതി പ്രഖ്യാപനം നടത്തുന്ന ജനങ്ങളുടെ സേവകരാണ് ജഡ്ജിമാരെന്നും ജസ്റ്റിസ് ചന്ദ്രചൂഡ് പറഞ്ഞു.
◾ ദക്ഷിണാഫിക്കയ്‌ക്കെതിരായ വനിതാ ക്രിക്കറ്റ് ടെസ്റ്റില്‍ റെക്കോഡുകളുമായി ഇന്ത്യ. വനിതാ ടെസ്റ്റില്‍ ഏറ്റവുമധികം ടോട്ടല്‍ നേടുന്ന ടീമെന്ന ചരിത്രനേട്ടമാണ് ഹര്‍മന്‍പ്രീതും സംഘവും സ്വന്തമാക്കിയത്. ആദ്യ ഇന്നിങ്‌സില്‍ ഇന്ത്യ ആറു വിക്കറ്റ് നഷ്ടത്തില്‍ 603 റണ്‍സെടുത്ത് ഡിക്ലയര്‍ ചെയ്തു. ഇതുവരെ മറ്റൊരു ടീമും 600 റണ്‍സ് പിന്നിട്ടിട്ടില്ല. ദക്ഷിണാഫ്രിക്കയ്‌ക്കെതിരെ ഓസ്‌ട്രേലിയ നേടിയ ഒമ്പത് വിക്കറ്റ് നഷ്ടത്തില്‍ 575 റണ്‍സെന്ന റെക്കോഡാണ് ഇന്ത്യ തകര്‍ത്തത്. ഒന്നാം ദിനം 525 റണ്‍സ് നേടിയ ഇന്ത്യന്‍ വനിതകള്‍ ടെസ്റ്റില്‍ ഒരുദിവസം ഏറ്റവുമധികം റണ്‍സ് എന്ന റെക്കോഡും നേരത്തെ സ്വന്തമാക്കിയിരുന്നു.
KARUNYA Result 29/06/2024
1 st Prize :
Amount: ₹80,00,000/-
KF947440
Consolation Prize :
Amount: ₹8,000/-
KA947440 KB947440 KC947440 KD947440 KE947440 KG947440 KH947440 KJ947440 KK947440 KL947440 KM947440
2 nd Prize :
Amount: ₹5,00,000/-
KL986079
3 rd Prize :
Amount: ₹100,000/-
KA586423 KB904374 KC814542 KD587329 KE605951 KF260055 KG151207 KH725104 KJ742766 KK561759 KL271020 KM253768
4 th Prize :
Amount: ₹5,000/-
0486 0708 1414 1704 1839 2610 2986 3926 4164 4866 5238 5706 5711 5968 6020 7441 8848 9128
5 th Prize :
Amount: ₹2,000/-
0681 2068 2190 4878 5679 6090 6590 6926 8065 8348
6 th Prize :
Amount: ₹1,000/-
1203 1674 2094 3125 3653 4949 5107 5193 7394 9260 9361 9582 9622 9942
7 th Prize :
Amount: ₹500/-
0101 0103 0192 0339 0365 0422 0438 0539 0644 0697 0826 0848 0915 1734 1788 1836 1910 1997 2008 2354 2422 2434 2493 2579 3031 3032 3376 3424 3477 3480 3682 3713 3735 3867 3883 4088 4146 4277 4304 4321 4386 4433 4519 4551 4584 4601 4830 4836 5563 5617 6144 6233 6318 6329 6546 6570 6601 6609 6613 6722 6857 7178 7279 7358 7455 7923 8715 8822 8869 8883 9033 9376 9498 9636 9670 9766 9826 9858 9946 9957
8 th Prize :
Amount: ₹100/-
0124 0189 0190 0218 0357 0577 0614 0615 0621 0684 0821 0841 1118 1134 1308 1336 1364 1393 1546 2078 2089 2112 2174 2304 2305 2442 2558 2584 2600 2681 2864 3028 3087 3179 3229 3250 3429 3430 3586 3679 3702 3725 3821 3841 3912 4117 4340 4343 4436 4555 4682 5011 5232 5285 5372 5534 5741 5768 5815 5928 6047 6074 6092 6121 6128 6142 6319 6381 6512 6527 6537 6551 6574 6704 6725 6837 6876 6914 6921 7085 7162 7169 7220 7223 7251 7252 7264 7281 7326 7356 7413 7415 7429 7529 7596 7597 7624 7686 7704 7884 7958 8161 8182 8300 8428 8477 8561 8626 8706 8803 8947 8974 8992 9053 9066 9077 9118 9122 9166 9325 9466 9785 9818 9947
