പ്രധാന വാർത്തകൾ
പ്രമുഖ സമൂഹ മാധ്യമ ആപ്പായ ടെലിഗ്രാമിന്റെ മേധാവി പവൽ ദുറോവ് അറസ്റ്റിലായി.
◾വഞ്ചന, മയക്കുമരുന്ന് കടത്ത്, സൈബർ ഭീഷണിപ്പെടുത്തൽ, സംഘടിത കുറ്റകൃത്യങ്ങൾ,
തീവ്രവാദം പ്രോത്സാഹിപ്പിക്കൽ എന്നിവ ഉൾപ്പെടെയുള്ള കുറ്റകൃത്യങ്ങളിലാണ് അറസ്റ്റിലായത്. പാരീസിനടുത്തുള്ള വിമാനത്താവളത്തിൽവച്ച് ഫ്രഞ്ച് പോലീസാണ് ദുറോവിനെ അറസ്റ്റ് ചെയ്തത്.ഫ്രഞ്ച് തലസ്ഥാനത്തിന് വടക്കുള്ള ലെ ബൊർഗെറ്റ് വിമാനത്താവളത്തിൽ ദുറോവിനെ തടഞ്ഞുവച്ചതായി സ്രോതസ്സുകള് വ്യക്തമാക്കി.39 കാരനായ ദുറോവിനെ കോടതിയിൽ ഹാജരാകുമെന്ന് വൃത്തങ്ങൾ പറഞ്ഞു. തന്റെ പ്ലാറ്റ്ഫോമിലൂടെ നടക്കുന്ന ഇത്തരം പ്രശ്നങ്ങള് പരിധികള് ലംഘിച്ചിട്ടും തടയാനുള്ള നടപടികള് ദുറഫ് സ്വീകരിച്ചില്ലെന്നാണ് ആരോപണം. തന്റെ പ്ലാറ്റ്ഫോമിന്റെ ക്രിമിനൽ ഉപയോഗം തടയാൻ നടപടിയെടുക്കുന്നതിൽ ദുറോവ് പരാജയപ്പെട്ടുവെന്നും അറസ്റ്റ് വാറണ്ടില് പറയുന്നു.
അമ്മ ജന.സെക്രട്ടറി സിദ്ദിഖ് രാജിവച്ചു.
by Anish Abraham
◾സിനിമാതാരങ്ങളുടെ സംഘടനയായ AMMA യുടെ സെക്രട്ടറി സ്ഥാനത്തു സിദ്ദിഖ് രാജിവെച്ചു.രാജി കത്ത് പ്രസിഡൻറ് മോഹൻലാലിന് അയച്ചുകൊടുത്തു.
AMMAഎക്സിക്യൂട്ടീവ് ചൊവ്വാഴ്ച ചേരും.
രേവതി സമ്പത്ത് പീഡന ആരോപണങ്ങൾ ഉയർത്തിയതിനെ തുടർന്നാണ് രാജി.
കൂടുതൽ നടിമാർ പീഡന ആരോപണങ്ങളുമായി എത്തുവാൻ സാധ്യത.
◾ ബംഗാളി നടി ശ്രീലേഖ മിത്രയുടെ തുറന്നു പറച്ചിലിന് പിന്നാലെ കൂടുതല് നടിമാർ പീഡന
ആരോപണങ്ങളുമായി എത്താൻ സാധ്യത. യുവനടി രേവതി സമ്പത്ത് അമ്മ ജനറല് സെക്രട്ടറിയും നടനുമായ സിദ്ദിഖിനെതിരെ ഗുരുതര ആരോപണങ്ങള് ഉയർത്തുന്നു. സിദ്ദിഖ് തന്നെ മുറിയില് പൂട്ടിയിട്ട് ശാരീരികമായി ഉപദ്രവിച്ചെന്നും ചെറിയ പ്രായത്തിലാണ് ദുരനുഭവം ഉണ്ടായതെന്നും രേവതി സമ്പത്ത് പറഞ്ഞു.ഹേമ കമ്മിറ്റി റിപ്പോര്ട്ട് വന്നപ്പോള് അദ്ദേഹം കാര്യമായി
സംസാരിക്കുന്നത് കേട്ടുവെന്നും സ്വയം കണ്ണാടിയില് നോക്കിയാല് അദ്ദേഹത്തിന് ഒരു ക്രിമിനലിനെ കാണാമെന്നും അയാളൊരു ക്രിമിനലാണെന്നും പറയുന്നതെല്ലാം പച്ചക്കള്ളമാണെന്നും രേവതി പറഞ്ഞു. ജൂനിയര് ആര്ടിസ്റ്റുകളായ ജുബിത ആണ്ടിയും സോണിയ മല്ഹാറും തങ്ങള്ക്കുണ്ടായ ദുരനുഭവങ്ങള് പങ്കുവെച്ചും രംഗത്തെത്തിയിട്ടുണ്ട്
കേന്ദ്രസർക്കാർ ജീവനക്കാർക്ക് പുതിയ പെൻഷൻ പദ്ധതി പ്രഖ്യാപിച്ചു
◾ കേന്ദ്ര സര്ക്കാര് ജീവനക്കാര്ക്കായി പുതിയ പെന്ഷന് പദ്ധതി പ്രഖ്യാപിച്ച് കേന്ദ്ര സര്ക്കാര്. യുപിഎസ് എന്ന പേരില് എല്ലാ ജീവനക്കാര്ക്കും മിനിമം പെന്ഷന് ഉറപ്പു നല്കുന്നതാണ് പുതിയ പദ്ധതി. ജീവനക്കാര് 10 ശതമാനം വിഹിതം നല്കണമെന്ന വ്യവസ്ഥ തുടരും. സര്ക്കാര് അടയ്ക്കുന്ന വിഹിതം 14ല് നിന്ന് 18.5 ശതമാനം ആയി ഉയര്ത്താനും കേന്ദ്ര മന്ത്രിസഭ തീരുമാനിച്ചു. 23 ലക്ഷത്തോളം കേന്ദ്രസര്ക്കാര് ജീവനക്കാര്ക്ക് പദ്ധതി പ്രയോജനപ്പെടുമെന്നും 2025 ഏപ്രില് ഒന്നു മുതല് യു.പി.എസ് നിലവില്വരുമെന്നും കേന്ദ്രമന്ത്രി അശ്വിനി വൈഷ്ണവ് പറഞ്ഞു.
ചലച്ചിത്ര അക്കാദമി ചെയര്മാന് രഞ്ജിത്ത് രാജിവച്ചു.
◾ ചലച്ചിത്ര അക്കാദമി ചെയര്മാന് രഞ്ജിത്ത് രാജിവച്ചു. സി പി ഐ അടക്കമുള്ള ഇടതു കേന്ദ്രങ്ങളില് നിന്നുള്പ്പെടെ രാജിയ്ക്കായി സമ്മര്ദം
ഉയര്ന്നതോടെയാണ് രഞ്ജിത്തിന്റെ രാജി അനിവാര്യമായത്.
രേവതി സമ്പത്തിന്റെ ആരോപണങ്ങളിൽ പോലീസ് കേസെടുക്കുമെന്ന് സൂചന
◾രേവതി സമ്പത്തിന്റെ ആരോപണങ്ങളില് പൊലീസ് കേസെടുത്തേക്കുമെന്ന് സൂചന. സിനിമ മോഹിച്ചെത്തിയ യുവനടിയെ ചെറുപ്രായത്തില് പീഡിപ്പിച്ചെന്ന ആരോപണം അതീവ ഗുരുതരമാണെന്ന വിലയിരുത്തലിലാണ് കേസെടുക്കുമെന്ന സൂചനകള് പുറത്തുവന്നത്.
രഞ്ജിത്തിനെതിരായ പരാതി അന്വേഷിക്കട്ടെയെന്ന് നടന് മുകേഷ്.
◾ രഞ്ജിത്തിനെതിരായ പരാതി അന്വേഷിക്കട്ടെയെന്ന് നടന് മുകേഷ്. ആരോപണങ്ങള് ഉയരുമ്പോള് രാജിവച്ചാല് രാഷ്ട്രീയത്തില് ആരെങ്കിലും സ്ഥാനത്തിരിക്കുമോയെന്നും മുകേഷ് ചോദിച്ചു. രാജി വെക്കണോ എന്നത് അവരുടെ ആത്മവിശ്വാസവും അവരുടെ മനസാക്ഷിയുമാണെന്നും അദ്ദേഹം കൂട്ടിച്ചേര്ത്തു. അതേസമയം സിനിമയില് പവര് ഗ്രൂപ്പ് നിലനില്ക്കില്ലെന്നും ആരെയും ഇല്ലാതാക്കാന് കഴിയില്ലെന്നും മുകേഷ് പറഞ്ഞു.
രഞ്ജിത്ത് രാജിവെക്കണമെന്ന് സംവിധായകൻ ഭദ്രൻ.
◾ രഞ്ജിത്ത് രാജി വെച്ച് ആരോപണത്തെ നേരിടണമെന്ന് സംവിധായകന് ഭദ്രന് അഭിപ്രായപ്പെട്ടു. മന്ത്രി സജി ചെറിയാന് അനാവശ്യമായി രഞ്ജിത്തിനെ സംരക്ഷിക്കുമെന്ന തോന്നലുണ്ടാകുമെന്നും ഭദ്രന് ചൂണ്ടിക്കാട്ടി
അമ്മ ശക്തമായ നിലപാടെടുക്കണമെന്ന് നടി ഉര്വശി.
◾ താരസംഘടനയായ അമ്മ ശക്തമായ നിലപാടെടുക്കണമെന്ന് നടി ഉര്വശി. എക്സിക്യുട്ടീവ് കമ്മിറ്റി ഉടന് വിളിക്കണം. നിലപാട് വച്ച് നീട്ടാന് പറ്റില്ലെന്നും പഠിച്ചത് മതിയെന്നും ഉര്വശി വ്യക്തമാക്കി. താന് സ്ത്രീകള്ക്കൊപ്പമുണ്ടാകുമെന്നും അവര് പറഞ്ഞു. സ്ത്രീകള് തങ്ങളുടെ മാനവും ലജ്ജയുമെല്ലാം മാറ്റി വച്ച് കമ്മിഷന് മുമ്പാകെ വന്ന് തുറന്ന് പറഞ്ഞ കാര്യങ്ങളാണെന്നും അതില് നടപടി വേണമെന്നും ഉര്വശി ആവശ്യപ്പെട്ടു.
അന്വേഷണം നടത്തില്ലെന്ന് ആരും പറഞ്ഞിട്ടില്ലെന്ന് മന്ത്രി ശിവൻകുട്ടി.
◾ രഞ്ജിത്തിനെതിരെ ബംഗാളി നടി ശ്രീലേഖ മിത്ര ഉയര്ത്തിയ ആരോപണങ്ങളില് അന്വേഷണം നടത്തില്ലെന്ന് ആരും പറഞ്ഞിട്ടില്ലെന്ന് മന്ത്രി വി. ശിവന്കുട്ടി. തൊഴില്പ്രശ്നം ശ്രദ്ധയില്പ്പെടുത്തിയാല് പരിശോധിക്കുമെന്നും എന്നാല് തൊഴില് ലംഘനമുണ്ടായെന്ന് വെറുതേ പറഞ്ഞാല് പോരെന്നും മന്ത്രി പറഞ്ഞു
പവർ ഗ്രൂപ്പ് മൂലം 9 സിനിമകൾ നഷ്ടപ്പെട്ടിട്ടുണ്ടെന്ന് നടി ശ്വേതാ മേനോൻ.
◾ സംവിധായകന് രഞ്ജിത്തിനെതിരായ ആരോപണം സത്യമോ അല്ലയോ എന്നറിയില്ലെന്നും നിയമം നിയമത്തിന്റെ വഴിക്ക് പോകട്ടെ എന്നും നടി ശ്വേത മേനോന്. സിനിമയിലെ പവര്ഗ്രൂപ്പില് സ്ത്രീകളുമുണ്ടാകാമെന്നും,കരാര് ഒപ്പിട്ട 9 സിനിമകള് തനിക്ക് നഷ്ടമായിട്ടുണ്ടന്നും ശ്വേത പറഞ്ഞു.
സംവിധായകൻ രഞ്ജിത്തിന്റെ താമസസ്ഥലത്തേക്ക് പ്രകടനം നടത്തി യൂത്ത് കോൺഗ്രസ്.
◾ രഞ്ജിത്തിനെതിരെ ലൈംഗികാരോപണമുയര്ന്നതിന് പിന്നാലെ സംവിധായകന് രഞ്ജിത്ത് താമസിക്കുന്ന വയനാട്ടിലെ റിസോട്ടിലേക്ക് പ്രതിഷേധ മാര്ച്ചുമായി യൂത്ത് കോണ്ഗ്രസ് പ്രവര്ത്തകര്. രഞ്ജിത്ത് ചലച്ചിത്ര അക്കാദമി ചെയര്മാന് സ്ഥാനത്ത് നിന്നും മാറി നില്ക്കണമെന്നാണ് പ്രതിഷേധക്കാരുടെ ആവശ്യം.
രഞ്ജിത്ത് രാജിവച്ച് നിഷ്പക്ഷ അന്വേഷണം നേരിടണമെന്ന് കെ സുധാകരൻ
◾ ചലച്ചിത്ര അക്കാദമി ചെയര്മാന് രഞ്ജിത്ത് പദവി രാജിവെച്ച് നിഷ്പക്ഷമായ അന്വേഷണം നേരിടണമെന്ന് കെ പി സി സി അധ്യക്ഷന് കെ സുധാകരന് . സ്ത്രീത്വത്തെ അപമാനിക്കും വിധം പെരുമാറിയെന്ന ആരോപണത്തില് അഗ്നിശുദ്ധി വരുത്തേണ്ട ബാധ്യത രഞ്ജിത്തിന് മാത്രമാണെന്നും സുധാകരന് പറഞ്ഞു. ഗുരുതരമായ ആരോപണം നേരിടുന്ന വ്യക്തിയെ അദ്ദേഹത്തിന്റെ മഹത്വം ചൂണ്ടിക്കാട്ടി ന്യായീകരിച്ച സാംസ്കാരിക വകുപ്പ് മന്ത്രിക്ക് ആ പദവിയില് തുടരാന് യോഗ്യതയില്ലെന്നും സുധാകരന് വ്യക്തമാക്കി.
രഞ്ജിത്തിനെ പുറത്താക്കണമെന്ന് ദേശീയ വനിതാ കമ്മീഷൻ അധ്യക്ഷ രേഖാ ശർമ.
◾ സംസ്ഥാന ചലച്ചിത്ര അക്കാദമി ചെയര്മാന് സ്ഥാനത്ത് നിന്നും രഞ്ജിത്തിനെ പുറത്താക്കണമെന്ന് ദേശീയ വനിത കമ്മീഷന് മുന് അധ്യക്ഷ രേഖാ ശര്മ്മ ആവശ്യപ്പെട്ടു. പൊലീസിനും വനിതാ കമ്മീഷനും പരാതി നല്കാന് ശ്രീലേഖ തയ്യാറാകണമെന്നും അവര് ആവശ്യപ്പെട്ടു. ഹേമാ കമ്മിറ്റി റിപ്പോര്ട്ട് വൈകിയതില് സര്ക്കാരിന് വീഴ്ച സംഭവിച്ചെന്നും റിപ്പോര്ട്ടിലെ നിര്ദേശങ്ങള് സര്ക്കാര് നടപ്പാക്കുമെന്ന് പ്രതീക്ഷയില്ലെന്നും രേഖാ ശര്മ്മ പറഞ്ഞു.
രഞ്ജിത്തിനെതിരെ എഫ്ഐആർ ഇടണമെന്ന് യൂത്ത് ലീഗ്.
◾ ബംഗാളി നടി ദുരനുഭവം തുറന്ന് പറഞ്ഞിട്ടും രഞ്ജിത്ത് ഇപ്പോഴും ചലച്ചിത്ര അക്കാദമി ചെയര്മാന് സ്ഥാനത്ത് തുടരുകയാണെന്ന് യൂത്ത് ലീഗ് സംസഥാന ജനറല് സെക്രട്ടറി പികെ ഫിറോസ് കുറ്റപ്പെടുത്തി. രഞ്ജിത്ത് ഉടനെ രാജി വെക്കണമെന്നും രഞ്ജിത്തിനെതിരെ എഫ്ഐആര് ഇട്ട് കേസ് രജിസ്റ്റര് ചെയ്യണം എന്നും പികെ ഫിറോസ് ആവശ്യപ്പെട്ടു .
ഒരു നടിയുടെ ഒറ്റയാൾ പോരാട്ടം ആണ് ഇതെല്ലാം പുറത്തു വരാൻ കാരണമെന്ന് നടി ഗീതു മോഹൻദാസ്.
◾ മലയാള സിനിമയില് നടക്കുന്ന വെളിപ്പെടുത്തലുകള്ക്ക് നിമിത്തമായത് ആ നടിയുടെ ഒറ്റയാള് പോരാട്ടമാണെന്നാണ് സംവിധായികയും നടിയുമായ ഗീതു മോഹന്ദാസ്.‘നമ്മള് ഒരിക്കലും മറക്കരുത് ഇതിനെല്ലാം തുടക്കമിട്ടത് ഒരു സ്ത്രീ പോരാടാനുറച്ചതോടെയാണ്’ എന്നാണ് ഗീതു ഫേസ്ബുക്കില് കുറിച്ചത്. കൊച്ചിയില് നടി കാറില് ആക്രമിക്കപ്പെട്ടതിന് പിന്നാലെ നല്കിയ പരാതിയുടെ അടിസ്ഥാനത്തിലാണ് സംസ്ഥാന സര്ക്കാര് ജസ്റ്റിസ് ഹേമ കമ്മീഷനെ നിയോഗിച്ചത് എന്ന ഓര്മ്മപ്പെടുത്തലാണ് ഗീതു നടത്തിയത്.
സമ്മതം നൽകാത്തവരിൽ നിന്ന് സാലറി പിടിക്കില്ല എന്ന് സർക്കാർ.
◾ വയനാടിന്റെ പുനര് നിര്മ്മാണത്തിനായുള്ള മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള സാലറി ചലഞ്ചില് സമ്മതപത്രം നല്കാത്തവരില് നിന്ന് ശമ്പളം പിടിക്കില്ലെന്ന് വ്യക്തമാക്കി സര്ക്കാര്. പിഎഫ് വായ്പയ്ക്ക് അപേക്ഷിക്കാനും തടസമില്ല. എല്ലാ ജീവനക്കാരില് നിന്നും ശമ്പളം പിടിക്കുമെന്ന് അറിയിച്ച് ഐഎംജിയും കെഎസ്ഇബിയും സര്ക്കുലര് ഇറക്കിയിരുന്നു. ഇത് വിവാദമായതോടെയാണ് വിശദീകരണവുമായി സര്ക്കാര് രംഗത്തെത്തിയത്.
ആമയിഴഞ്ചാൻ തോട് ശുചീകരണത്തിന്
സംസ്ഥാന സർക്കാർ പണം മുടക്കും.
◾ ആമയിഴഞ്ചാന് തോട് ശുചീകരണത്തിന് സംസ്ഥാന സര്ക്കാര് പണം മുടക്കും. ശുചീകരണത്തിനായി 63 ലക്ഷം രൂപയാണ് സര്ക്കാര് അനുവദിച്ചിരിക്കുന്നത്. റെയില്വേയോട് പണം ആവശ്യപ്പെട്ടിരുന്നെങ്കിലും തരാന് തയ്യാറായിരുന്നില്ല. തോട്ടില് മാലിന്യം നിക്ഷേപിക്കുന്നവര്ക്കെതിരെ നടപടി തുടങ്ങിയെന്നും നഗരസഭ ഹൈക്കോടതിയെ അറിയിച്ചിരുന്നു.
കണ്ണൂരിൽ നിപ്പ ആശങ്ക ഒഴിഞ്ഞു.
◾ നിപ ആശങ്ക ഒഴിഞ്ഞു. രോഗ ലക്ഷണങ്ങളോടെ പരിയാരം മെഡിക്കല് കോളേജ് ആശുപത്രിയില് പ്രവേശിപ്പിച്ച രണ്ട് പേരുടെയും പരിശോധന ഫലം നെഗറ്റീവാണ്. കോഴിക്കോട് മെഡിക്കല് കോളേജില് നടത്തിയ പരിശോധനയിലാണ് നിപയില്ലെന്ന് സ്ഥിരീകരിച്ചത്.
മുക്കുമണ്ട തട്ടിപ്പ് രണ്ടുപേർ കൂടി പിടിയിൽ.
◾ വളാഞ്ചേരിയിലെ കെഎസ്എഫ്ഇയിലെ മുക്കുപണ്ട പണയം തട്ടിപ്പ് കേസുമായി ബന്ധപ്പെട്ട് രണ്ടു പേര് കൂടി പിടിയിലായി. പാലക്കാട് സ്വദേശി മുഹമ്മദ് ശരീഫ്, തിരുവേഗപ്പുറ സ്വദേശി കൊരക്കോട്ടില് മുഹമ്മദ് അഷ്റഫ് എന്നിവരാണ് പിടിയിലായത്. കരാര് ജീവനക്കാരനായ അപ്രൈസര് രാജനാണ് നേരത്തെ പിടിയിലായത്. പ്രതികളെ വളാഞ്ചേരി പോലീസ് സ്റ്റേഷനില് എത്തിച്ചു ചോദ്യം ചെയ്യുകയാണ്.
തെരുവുനായ ആക്രമണത്തിൽ നിരവധി പേർക്ക് പരിക്ക്.
◾ തിരുവനന്തപുരത്ത് തെരുവുനായ ആക്രമണത്തില് നിരവധി പേര്ക്ക് പരിക്ക്. തിരുവനന്തപുരം കരമന, കൈമനം, ചിറമുക്ക് മേഖലകളിലാണ് തെരുവുനായയുടെ ആക്രമണമുണ്ടായത്. 32 പേരെയാണ് തെരുവുനായ കടിച്ചത്. ഇവരെയെല്ലാം ഒരു നായ തന്നെയാണ് കടിച്ചതെന്നാണ് വിവരം. പരിക്കേറ്റവര് തിരുവനന്തപുരം ജനറല് ആശുപത്രിയിലും മെഡിക്കല് കോളേജിലും ചികിത്സ തേടി. നേമം ശാന്തിവിള ആശുപത്രിയിലും 8 പേര് ചികിത്സ തേടിയിട്ടുണ്ട്. ഇതില് മൂന്നു പേരുടെ പരിക്ക് ഗുരുതരമാണ്.
കെഎസ്ഇബിയിൽ രാവിലെ 11 വരെ ഓൺലൈനിൽ തടസ്സം നേരിടാം.
◾ രാവിലെ 7 മുതല് 11 വരെ എല്ലാ വിഭാഗം ഉപഭോക്താക്കളുടെയും ഓണ്ലൈനിലൂടെയുള്ള പണമടയ്ക്കലിനും 1912 എന്ന നമ്പരിലൂടെയുള്ള ഉപഭോക്തൃ സേവനങ്ങള്ക്കും തടസ്സം നേരിട്ടേക്കാമെന്നാണ് കെ എസ് ഇ ബിയുടെ അറിയിപ്പ്. വൈദ്യുതി സംബന്ധമായ പരാതികള് പരിഹരിക്കാനായി അതത് സെക്ഷന് ഓഫീസുകളില് ബന്ധപ്പെടാവുന്നതാണെന്നും കെ എസ് ഇ ബി അറിയിച്ചു.
കേരളത്തിൽ മഴ ശക്തമായി തുടരും.
◾ മഴ ശക്തമായി തുടരുമെന്ന് കാലാവസ്ഥ വകുപ്പിന്റെ മുന്നറിയിപ്പ്. നാളെ വീണ്ടും തീവ്ര ന്യൂനമര്ദ്ദം രൂപപ്പെടുന്ന പശ്ചാത്തലത്തിലാണ് മഴ ശക്തമായി തുടരുന്നതെന്ന് വ്യക്തമാകുന്നത്. ഒറ്റപ്പെട്ട സ്ഥലങ്ങളില് ഓഗസ്റ്റ് 28 വരെയുള്ള തീയതികളില് ശക്തമായ മഴയ്ക്ക് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. കണ്ണൂര്, കാസര്ഗോഡ് ജില്ലകളിലാണ് ഇന്ന് യെല്ലോ ജാഗ്രതയുള്ളത്.
ഹരിയാന തിരഞ്ഞെടുപ്പ് മാറ്റിവെക്കണമെന്ന് ബിജെപി.
◾ ഹരിയാണ നിയമസഭാ തിരഞ്ഞെടുപ്പ് മാറ്റിവെക്കണമെന്ന ആവശ്യവുമായി സംസ്ഥാന തിരഞ്ഞെടുപ്പ് കമ്മിഷനെ സമീപിച്ച് സംസ്ഥാന ബി.ജെ.പി. അതേസമയം, തിരഞ്ഞെടുപ്പിന് മുന്നേതന്നെ ബിജെപി ഭയപ്പാടിലായെന്ന വിമര്ശനവുമായി കോണ്ഗ്രസ് രംഗത്തെത്തി. ഒക്ടോബര് ഒന്നാം തീയതിക്ക് മുന്പും പിന്പും അവധിദിനങ്ങള് വരുന്നുണ്ടെന്നും ഇത് പോളിങ് ശതമാനത്തെ ബാധിച്ചേക്കുമെന്നും ചൂണ്ടിക്കാണിച്ചാണ് ബി.ജെ.പിയുടെ ഹരിയാണ ഘടകം അധ്യക്ഷന്, സംസ്ഥാന തിരഞ്ഞെടുപ്പ് കമ്മിഷനെ സമീപിച്ചത്.
നിരപരാധിയാണെന്ന് അറസ്റ്റിലായ പ്രതി സഞ്ജയ് റോയ്.
◾ ആര്.ജി. കര് ആശുപത്രിയില് വനിതാ ഡോക്ടറെ ബലാത്സംഗംചെയ്ത് കൊലപ്പെടുത്തിയ സംഭവത്തില് താന് നിരപരാധിയാണെന്ന് അറസ്റ്റിലായ പ്രതി സഞ്ജയ് റോയി. കുറ്റമൊന്നും ചെയ്യാത്ത തന്റെമേല് കുറ്റകൃത്യം അടിച്ചേല്പ്പിക്കുകയാണെന്നും നുണപരിശോധനയിലൂടെ ഇക്കാര്യം തെളിയുമെന്നും നുണപരിശോധനയ്ക്ക് എന്തുകൊണ്ടാണ് സമ്മതം നല്കുന്നതെന്ന കോടതിയുടെ ചോദ്യത്തിന് മറുപടി പറയവെ ഇയാള് പറഞ്ഞു.
സിബിഐ ഏറ്റെടുത്തു.
◾ കൊല്ക്കത്തയിലെ ആര്.ജി. കര് മെഡിക്കല് കോളേജിലെ സാമ്പത്തിക ക്രമക്കേടുകളെ കുറിച്ചുള്ള അന്വേഷണം സി.ബി.ഐ ഏറ്റെടുത്തു. ഡോക്ടര് കൊല്ലപ്പെടുമ്പോള് പ്രിന്സിപ്പലായിരുന്ന സന്ദീപ് ഘോഷിന്റെ കാലത്ത് നടന്ന ക്രമക്കേടുകളാണ് സി.ബി.ഐ. അന്വേഷിക്കുക. കല്ക്കട്ട ഹൈക്കോടതിയുടെ നിര്ദേശപ്രകാരമാണ് അന്വേഷണം പ്രത്യേക അന്വേഷണ സംഘത്തില് നിന്ന് സി.ബി.ഐ. ഏറ്റെടുത്തത്.
ജർമ്മനിയിലെ ആക്രമണം.ഉത്തരവാദിത്വം ഏറ്റെടുത്ത് ഇസ്ലാമിക് സ്റ്റേറ്റ്.
◾ പടിഞ്ഞാറന് ജര്മനിയിലെ സൂലിങ്ങന് നഗരത്തില് ലൈവ് ബാന്ഡ് സംഗീതപരിപാടിക്കിടെ 3 പേരെ കുത്തിക്കൊലപ്പെടുത്തുകയും 8 പേരെ കുത്തി പരുക്കേല്പിക്കുകയും ചെയ്ത സംഭവത്തിന്റെ ഉത്തരവാദിത്തം ഏറ്റെടുത്ത് ഭീകരസംഘടനയായ ഇസ്ലാമിക് സ്റ്റേറ്റ്. വെള്ളിയാഴ്ച രാത്രി 9.40ന് സൂലിങ്ങന് നഗരത്തിന്റെ 650-ാം വാര്ഷിക ആഘോഷത്തിനിടയിലാണ് അക്രമി ആള്ക്കൂട്ടത്തില് കണ്ണില് കണ്ടവരെയെല്ലാം കുത്തിവീഴ്ത്തിയത്.
വാഹനാപകടത്തിൽ നിരണം സ്വദേശി മരണപ്പെട്ടു.
◾റോഡരികിലൂടെ നടക്കവേ വാഹനം പാഞ്ഞു കയറി നിരണം സ്വദേശി മരിച്ചു.
നിരണം മുട്ടേൽ പുത്തൻപുരയിൽ യോഹന്നാൻ മത്തായി (50) ആണ് മരിച്ചത്. റിഫയിലേക്കുള്ള ശൈഖ് ജാബർ അൽ സബ ഹൈവേയിൽ ആണ് അപകടം നടന്നത്
ഭാര്യ: അന്നമ്മ മത്തായി. തുടർനടപടികൾ സ്വീകരിച്ചെന്ന് ആഭ്യന്തര മന്ത്രാലയം അറിയിച്ചു.
KARUNYA Result
(24/08/2024)
1 st Prize :
Amount: ₹80,00,000/-
KH579652
Consolation Prize :
Amount: ₹8,000/-
KA579652 KB579652 KC579652 KD579652 KE579652 KF579652 KG579652 KJ579652 KK579652 KL579652 KM579652
2 nd Prize :
Amount: ₹5,00,000/-
KE917459
3 rd Prize :
Amount: ₹100,000/-
KA958177 KB704788 KC919475 KD588932 KE303090 KF994252 KG683571 KH396667 KJ598236 KK325885 KL399981 KM388530
4 th Prize :
Amount: ₹5,000/-
0556 0915 1021 1412 1528 1686 1860 3304 3713 4716 5742 5930 6232 6804 8175 8590 9023 9317
5 th Prize :
Amount: ₹2,000/-
2516 2539 3284 3617 3906 6044 6350 6373 8093 8700
6 th Prize :
Amount: ₹1,000/-
0016 0703 1262 1625 2208 3336 3717 3795 4458 5302 5579 6668 8363 8921
7 th Prize :
Amount: ₹500/-
0189 0237 0243 0348 0393 0682 0696 0993 1029 1049 1126 1130 1185 1490 1590 1635 1719 1862 1921 2036 2311 2396 2413 2456 2503 2807 2905 3016 3140 3162 3238 3403 3431 3448 3515 3661 3734 3770 3810 3997 4007 4109 4254 4609 5058 5260 5290 5445 5565 5595 5605 5641 6085 6102 6117 6169 6191 6925 6954 7025 7123 7233 7278 7925 8097 8306 8441 8514 8673 8927 9026 9039 9109 9215 9403 9521 9820 9925 9957 9977
8 th Prize :
Amount: ₹100/-
0006 0013 0097 0104 0192 0454 0469 0757 0768 0813 0902 1027 1042 1131 1132 1189 1215 1285 1311 1346 1378 1441 1458 1513 1542 1592 1655 1710 1711 1811 1829 1863 2020 2044 2071 2122 2133 2180 2362 2388 2397 2399 2440 2462 2480 2506 2523 2594 2680 2690 2774 2886 3001 3132 3198 3381 3520 3523 3638 3682 3715 3876 3970 4102 4192 4327 4342 4461 4840 4863 4961 5182 5192 5194 5291 5324 5370 5451 5542 5629 5909 5986 6062 6171 6380 6588 6716 6783 7152 7444 7609 7926 8050 8125 8140 8217 8292 8305 8379 8411 8464 8542 8564 8618 8770 8817 8819 8879 9001 9197 9233 9303 9430 9433 9506 9512 9604 9643 9666 9903 9906 9960 9973 9992
