പ്രധാന വാർത്തകൾ
ഇന്ന് 1200 മാണ്ട് കന്നി 14 തിങ്കളാഴ്ച ◾ ശക്തമായി പ്രതികരിച്ച് പി.വി.അന്‍വര്‍ എം.എല്‍.എ നടത്തിയ രണ്ടര മണിക്കൂര്‍ പ്രസംഗത്തില്‍ മുഖ്യമന്ത്രി പിണറായി വിജയനും പാര്‍ട്ടി മലപ്പുറം ജില്ലാ സെക്രട്ടറി ഇ.എന്‍.മോഹന്‍ദാസിനും എഡിജിപി അജിത്കുമാറിനും എതിരെ അതിരൂക്ഷ വിമര്‍ശനം. പൊലീസിനെതിരെയും സ്വര്‍ണ്ണക്കടത്തിനേയും കുറിച്ചു പറഞ്ഞതിന് മുഖ്യമന്ത്രി തന്ന കളളനായി ചിത്രീകരിച്ചെന്നു തുറന്നടിച്ച അന്‍വര്‍ തനിക്കെതിരെ പല കേസുകളും വന്നതു സിപിഎമ്മില്‍ ചേര്‍ന്നതിനു ശേഷമാണെന്നു സൂചിപ്പിക്കുകയും ചെയ്തു. ◾ പുതിയ പാര്‍ട്ടി രൂപീകരിക്കില്ലെന്ന് രാഷ്ട്രീയ വിശദീകരണ യോഗത്തില്‍ വ്യക്തമാക്കി പി.വി.അന്‍വര്‍. എന്നാല്‍ ജനം പാര്‍ട്ടിയായി മാറിയാല്‍ അതിന്റെ പിന്നിലുണ്ടാകുമെന്നും അന്‍വര്‍ അറിയിച്ചു. ◾ കേരളത്തില്‍ സര്‍ക്കാരും പാര്‍ട്ടിയും സംഘപരിവാറുമായി സന്ധി ചെയ്യുന്നു എന്ന പ്രചാരണം രാഷ്ട്രീയമായി ചെറുക്കാന്‍ സിപിഎം നിര്‍ദേശം. ഗവര്‍ണ്ണറെ ഉപയോഗിച്ച് സര്‍വ്വകലാശാലകളെ വരെ കേന്ദ്രം പ്രതിസന്ധിയിലാക്കുന്നതും ദുരന്ത നിവാരണത്തിന് പണം നല്കാത്തതും ഉന്നയിച്ചുള്ള രാഷ്ട്രീയ പ്രചാരണത്തിനാണ് നിര്‍ദ്ദേശം നല്‍കിയിരിക്കുന്നതെന്നാണ് റിപ്പോര്‍ട്ട...