കേരളത്തിൽ ഓൺലൈൻ നിക്ഷേപ തട്ടിപ്പ് പെരുകുന്നു
ഇന്ന് 1200 മാണ്ട് ചിങ്ങം 09 ഞായറാഴ്ച
പ്രമുഖ സമൂഹമാധ്യമ ആപ്പായ ടെലിഗ്രാമിന്റെ മേധാവി പവൽ ദുറോവ് അറസ്റ്റിലായി.
◾വഞ്ചന, മയക്കുമരുന്ന് കടത്ത്, സൈബർ ഭീഷണിപ്പെടുത്തൽ, സംഘടിത കുറ്റകൃത്യങ്ങൾ,
തീവ്രവാദം പ്രോത്സാഹിപ്പിക്കൽ എന്നിവ ഉൾപ്പെടെയുള്ള കുറ്റകൃത്യങ്ങളിലാണ് അറസ്റ്റിലായത്. പാരീസിനടുത്തുള്ള വിമാനത്താവളത്തിൽവച്ച് ഫ്രഞ്ച് പോലീസാണ് ദുറോവിനെ അറസ്റ്റ് ചെയ്തത്. ഫ്രഞ്ച് തലസ്ഥാനത്തിന് വടക്കുള്ള ലെ ബൊർഗെറ്റ് വിമാനത്താവളത്തിൽ ദുറോവിനെ തടഞ്ഞുവച്ചതായി സ്രോതസ്സുകള്‍ വ്യക്തമാക്കി. 39 കാരനായ ദുറോവിനെ കോടതിയിൽ ഹാജരാകുമെന്ന് വൃത്തങ്ങൾ പറഞ്ഞു. തന്റെ പ്ലാറ്റ്‌ഫോമിലൂടെ നടക്കുന്ന ഇത്തരം പ്രശ്‌നങ്ങള്‍ പരിധികള്‍ ലംഘിച്ചിട്ടും തടയാനുള്ള നടപടികള്‍ ദുറഫ് സ്വീകരിച്ചില്ലെന്നാണ് ആരോപണം. തന്റെ പ്ലാറ്റ്‌ഫോമിന്റെ ക്രിമിനൽ ഉപയോഗം തടയാൻ നടപടിയെടുക്കുന്നതിൽ ദുറോവ് പരാജയപ്പെട്ടുവെന്നും അറസ്റ്റ് വാറണ്ടില്‍ പറയുന്നു.
ഓൺലൈൻ നിക്ഷേപ തട്ടിപ്പിൽ രണ്ട് കേസുകളിലായി നാലു പേരെ അറസ്റ്റ് ചെയ്തു.
by:Binish Nair
◾അനധികൃത നിക്ഷേപം സ്വീകരിച്ച്
പണം തട്ടിയ കേസിൽ റാന്നിയിലും പന്തളത്തും രണ്ട് പേരേ വീതം അറസ്റ്റ് ചെയ്തു.
പന്തളം എസ് എച്ച് ഒ യുടെ നേതൃത്വത്തിലാണ് മലപ്പുറം സ്വദേശികളായ രണ്ടുപേരെ അറസ്റ്റ് ചെയ്തത്.
4,26100 രൂപയാണ് ഇവർ നിക്ഷേപിപ്പിച്ചത്.മലപ്പുറം ജില്ലയിൽ ഇവരുടെ പേരിൽ വേറെ തട്ടിപ്പ് കേസുകളും ഉണ്ട്.
മലപ്പുറം കണ്ണമംഗലം പടപ്പറമ്പ് ചേറൂർ തറമണ്ണിൽ വീട്ടിൽ മുസമ്മിൽ തറമേൽ(36), കോഴിക്കോട് കുരുവട്ടൂർ ചെറുവട്ട പറമ്പിൽ ഒറയനാരി ധനൂപ് ( 44) എന്നിവരെയാണ് അറസ്റ്റ് ചെയ്‌ത്. എസ്.എച്ച്.ഓ ടി.ഡി.പ്രജീഷിന്റെ നേതൃത്വത്തിലുള്ള സംഘം സാഹസികമായാണ് പ്രതികളെ പിടികൂടിയത്. അടൂർ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
മറ്റൊരു ഓൺലൈൻ തട്ടിപ്പു കേസിൽ
ലക്ഷങ്ങൾ വാങ്ങിയ രണ്ടുപേർ റാന്നി പോലീസിന്റെ പിടിയിയിലായി.തൃശൂർ കൈപ്പറമ്പ് പുത്തൂർ കൊല്ലനൂർ
വീട്ടിൽ കെ.എൽ.ലാലു( 45), കുമളി അമരാവതി അഞ്ചാം മൈൽ കുന്നത്ത്ചിറയിൽ വീട്ടിൽ കെ.എസ്.അബി (28) എന്നിവരാണ് അറസ്റ്റിലായത്.
അടുത്തകാലത്തായി കേരളത്തിൽ ഓൺലൈൻ തട്ടിപ്പിന്റെ പേരിൽ വൻ തുകയാണ് നിക്ഷേപം സ്വീകരിക്കുന്നത്.ഒരു വർഷത്തിനകം ഇത്തരം പത്തോളം തട്ടിപ്പ് കമ്പനികൾ
പണം വാങ്ങി മുങ്ങി.
കഴിഞ്ഞ ഒരു വർഷത്തിനുള്ളിൽ കോടികളാണ് ആളുകൾക്ക് നഷ്ടപ്പെട്ടത്.കഴിഞ്ഞ ഒരു വർഷത്തിനകത്ത് തട്ടിപ്പ് നടത്തി ഇല്ലാതായ ക്രിപ്റ്റോ മണിച്ചെയിൻ കമ്പനികളുടെ ലിസ്റ്റ് ആണിത്.
Titan Capital,Sincere System,SCF ,
GPT കോയിൻ,ഹവാന,യൂണിറ്റി ഫണ്ട്,
ബൈറ്റ് ബ്ലോക്ക്സ്,ട്രോൺ വിഐപി,
Ubit coin,മോറിസ് കോയിൻ,ബുമാറാങ്ങ്,ഐറ്റിബിപി,
MICT,digimond തുടങ്ങിയവ.
ആളുകളെക്കൊണ്ട് യു എസ് ഡി ടി എന്ന ക്രിപ്ടോ കറൻസി വാങ്ങിപ്പിച്ചാണ് ഇതിൽ നിക്ഷേപിപ്പിക്കുന്നത്.
ഇപ്പോൾ കേരളത്തിൽ തട്ടിപ്പ് നടത്തിക്കൊണ്ടിരിക്കുന്ന ക്രിപ്റ്റോ തട്ടിപ്പ് കമ്പനികളാണ് തമിഴ്നാട് കേന്ദ്രീകരിച്ചുള്ള മെഡിലൈഫ്,തൃശ്ശൂർ കേന്ദ്രീകരിച്ചുള്ള ഡോളർ ഹബ്ബ്,റ്റെതര്‍ ഓഷൻ മിറാക്കിൾ ഡഫി തുടങ്ങിയവ.
ഇത്തരം തട്ടിപ്പുകളെ കുറിച്ച് നിങ്ങൾക്ക് പോലീസിൽ നേരിട്ട് അറിയിക്കാം.
1930-ൽ വിളിക്കുക.
അല്ലെങ്കിൽ നേരിട്ട് പരാതി ഉദ്യോഗസ്ഥർക്ക് നൽകാം
0471-2300042
9497980900- എന്ന വാട്ട്സ് ആപ്പ് നമ്പരിൽ ഇത്തരം കമ്പനികളുടെ ഗൂഗിൾ മീറ്റ് ലിങ്ക്,അവരുടെ പ്രചരണ വീഡിയോകൾ, PDF,website address എന്നിവ അയച്ചു കൊടുക്കാം.
